Herakame leu de jiemna machi ne mpuakpet kau mak lei Mishniu (Bhubon) raki gene Tingwang ne getei gai kau lei. Raitu bege Heleu leine Hera leusi ne rau keu kam gai delei. Kane, Zeliangrongme du teu keleu bambe jene leusi kuak ge rau gaibe leu leine sau daira chang di delei. Zai Herapui ne chipau leu leine n’ngai makche gettei bam rahang abadei ge pemui kailu je Hingnam gai kakedai lei.
Hera leu leine, Heleu runne makche Hera tuai kam lei.
Keyi kiebe leine ge Hera leu teu je Tingwang du kelum lau.
Heleu rimba ge Tingwang samrang lakam lei.
Daje, Heleu ke leine rau keube lui gum je teu mau makche ruak ket ne teura lei.
Peije, aipau Heleu benai Helim ne Tingwang je tuaje kedeirei pungring bamra keyi leine Hingnam gai delei.
Kelum Kelum Kelum.


Rani Gaidinliu,
Hingde nripetpe pui.